ಭಾನುವಾರದ ಸುಂದರ ಸಂಜೆ.....

ಲಾಸ್ಟ್ ವೀಕ್. ಫ್ರೈಡೆ ಮೇ day ಇದ್ದದರಿಂದ 3 days ಲಾಂಗ್ ವೀಕ್ ಎಂಡ್ ಸಿಕ್ಕಿತ್ತು.... ಎಲ್ಲಾದರು ಹೊರಗಡೆ ಹೋಗೋಣ ಅಂತ, ಮೊದಲೇ ಪ್ಲಾನ್ ಮಾಡ್ತಾ ಇದ್ದೆ.. ಆದರೆ ನನ್ bad luck,,, ಫ್ರೈಡೆ ಮೇ ಡೇ ದಿನ ವರ್ಕ್ ಮಾಡಬೇಕಾಗಿ ಬಂತು.... ಯಾವುದೊ ಒಂದು emergency issue.... ಸರಿ ಇನ್ನು ಏನ್ ಮಾಡೋದು ಅಂತ ಹೋಗಿ ಬಂದೆ.... saturday ಬರಿ ರೆಸ್ಟ್ ತಗೊಂಡು ಹಾಗೆ ಹೀಗೆ ಟೈಮ್ ಪಾಸ್ ಆಗಿಹೋಯ್ತು .... ಇನ್ನು ಸಂಡೇ, ಏನು ಪ್ಲಾನ್ಸ್ ಇರಲಿಲ್ಲ....IPL matches ಮತ್ತೆ ಯವುದಾದರು ಟಿವಿ ನಲ್ಲಿ ಮೂವಿ ನೋಡಿಕೊಂಡ್ ಇರೋಣ ಅಂತ ಡಿಸೈಡ್ ಮಾಡಿದ್ದೆ..

ಆದರೆ ಅವೊತ್ತು ಬೆಳಿಗ್ಗೆ ನನ್ನ ಬೆಸ್ಟ್ ಫ್ರೆಂಡ್ ಒಬ್ಬರು ಫೋನ್ ಮಾಡಿದ್ರು... "ಗುರು ಬೇಜಾರ್ ಆಗ್ತಾ ಇದೆ ಕಣೋ ಎಲ್ಲಾದರು ಹೋಗೋಣ್ವಾ ಇವೊತ್ತು" ಅಂತ..
ಸರಿ ನಾನು ಓಕೆ ಅಂದೆ..... ಆದರೆ ಎಲ್ಲಿಗೆ ಹೋಗೋದು.....ಯಾವುದಾದರು filmge ಹೋಗೋಣ್ವಾ ಅಂತ ಕೇಳಿದೆ..(ಆದರೆ ನನಗೆ ಇಷ್ಟ ಇರಲಿಲ್ಲ,) ಪಾಪ ಅವರಿಗೆ ಯಾಕೆ ಬೇಜಾರ್ ಮಾಡಬೇಕು ಅಂತ ಕೇಳಿದೆ.. ನನ್ನ ಫ್ರೆಂಡ್ ಗು ಇಷ್ಟ ಇರಲಿಲ್ಲ,, ಬೇಡ ಕಣೋ ಅಂತ ಹೇಳಿದ್ಲು... ಸರಿ ನೀನೆ ಹೇಳು ಎಲ್ಲಿಗೆ ಹೋಗೋಣ ಅಂತ ಅಂದೆ.. ಬರಿ ಎಲ್ಲಿಗೆ ಹೋಗೋದು ಅಂತಾನೆ ಟೈಮ್ ವೇಸ್ಟ್ ಮಾಡಿದ್ವಿ .... ಮೂವಿ ಗೆ ಇಷ್ಟ ಇಲ್ಲ, ಇನ್ನು ಯಾವುದಾದರು ಮಾಲ್ ಗೆ ಹೋಗೋಣ ಅಂದ್ರೆ ಬೇಜಾರು... ಬರೀ ಗಜಿ ಬಿಜಿ... ಸ್ವಲ್ಪ ಹೊತ್ತು ನೆಮ್ಮದಿ ಆಗಿ ಕೂತುಕೊಂಡ್ ಬರೊ ಜಾಗ ಯಾವುದು ಇದೆ ನಮ್ ಬೆಂಗಳೂರಿನಲ್ಲಿ ಅಂತ ಯೋಚನೆ ಮಾಡಿ... ಕೊನೆಗೆ ನಾನೇ ಹೇಳಿದೆ.. ನಿಂಗೆ ಹೇಗಿದ್ರು ಬೇಜಾರು ಅಂತ ಹೇಳ್ತಾ ಇದ್ದೀಯ .. ನಾನು ಒಂದು ಪ್ಲೇಸ್ ಗೆ ಕರ್ಕೊಂಡ್ ಹೋಗ್ತೀನಿ ಸುಮ್ನೆ ಬಾ ಅಲ್ಲಿಗೆ ನಿನಗೆ ನೆಮ್ಮದಿ ಸಿಗುತ್ತೆ ಅಂತ ಹೇಳ್ದೆ.... ಅದಕ್ಕೆ ಓಕೆ ಅಂತ ಹೇಳಿದ್ಲು ... ಇವಾಗ ಹೋದ್ರೆ ತುಂಬ ಬಿಸಿಲು ಇರುತ್ತೆ ಸಂಜೆ ಮೇಲೆ ಹೋಗೋಣ ಅಂತ ಹೇಳ್ದೆ.. ನಂಗು ಸ್ವಲ್ಪ ಕೆಲಸ ಇದೆ ಅದನ್ನ ನಾನು ಮಧ್ಯಾನದ ಹೊತ್ತಿಗೆ ಮುಗಿಸಿಕೊಂಡು 4 ಗೆ ಇಲ್ಲಿಂದ ಹೊರಡೋಣ ಅಂತ ಡಿಸೈಡ್ ಮಾಡಿ ಆಯಿತು .

actually ನಾನು ಹೋಗ್ಬೇಕು ಅಂತ ಅನ್ಕೊಂಡ್ ಇದ್ದದ್ದು " ವಿಶ್ವ ಶಾಂತಿ ಆಶ್ರಮ " ನೆಲಮಂಗಲಕ್ಕೆ ಹತ್ರ ಇದೆ... ಇಲ್ಲಿಂದ ಒಂದು 20 KM ಆಗ್ಬೋದು... ತುಮಕೂರು ರೋಡಿನಲ್ಲಿ..ಸಿಗುತ್ತೆ.. ನಾನು ಬೈಕ್ ರೈಡ್ ಮಾಡಿ ತುಂಬ ದಿನ ಆಗಿತ್ತು,, ಸರಿ ಬೈಕ್ ನಲ್ಲೆ ಹೋಗೋಣ ಅಂತ ಹೇಳಿ ಕರಕೊಂಡು ಹೋದೆ... ಸಂಡೇ ಮಧ್ಯಾನ ಅಸ್ತೊಂದ್ ಟ್ರಾಫಿಕ್ ಇರಲಿಲ್ಲ... ನಮ್ಮ ಬಸವೇಶ್ವರನಗರದಿಂದ 30 - 35 ನಿಮಿಷಕ್ಕೆಲ್ಲ ಅಲ್ಲಿಗೆ ಹೋಗಿ ತಲುಪಿದೆವು ... ನಾನು ಮೊದಲು ಇದನ್ನ ನೋಡಿರಲಿಲ್ಲ ತುಂಬ ದಿನ ದಿಂದ ನೋಡ್ಬೇಕು ಅಂತ ಅನ್ಕೊತಾ ಇದ್ದೆ. ಇವಾಗ ಅವಕಾಶ ಆಯಿತು....
ನಿಜವಾಗ್ಲೂ,,, ತುಂಬ ಪ್ರಶಾಂತ ವಾದ ವಾತವರಣ.....ಮನಸಿಗೆ ಬೇಜಾರ್ ಆಗಿದ್ದರೆ..ಸ್ವಲ್ಪ ನೆಮ್ಮದಿ ಬೇಕು ಅಂತ ಅನ್ನಿಸಿದರೆ... ಒಮ್ಮೆ ಹೋಗಿ ಬನ್ನಿ, ತುಂಬ ನೆಮ್ಮದಿ ಇರುತ್ತೆ.

luckyly ಬಿಸಿಲು ಜಾಸ್ತಿ ಇರಲಿಲ್ಲ ತಣ್ಣಗೆ ಇತ್ತು ಬಾನುವಾರದ ಸಂಜೆ.... ಅಲ್ಲಿ ಹೋಗಿ,, ಮೊದಲು ಪಾಂಡುರಂಗನ ಧರ್ಶನ ಪಡೆದು...ಅಲ್ಲೇ ಇರುವ ಆಸ್ಟ ಲಕ್ಷ್ಮಿ ದೇವತೆಗಳ ಧರ್ಶನ ಮಾಡಿಕೊಂಡು... ಒಳಗಡೆ ಹೋದ್ವಿ... ಮೊದಲು ಒಂದು ಅದ್ಬುತ ವಾದ ಶಿಲಾ ಬಾಲಿಕೆಯರು attract ಮಾಡಿದರು .. actually ಇದು ಸಪ್ತ ನದಿಗಳ ಸಂಗಮ... ಗಂಗಾ, ಯಮುನಾ ,ಗೋದಾವರಿ, ಸರಸ್ವತಿ, ನರ್ಮದಾ, ಸಿಂದು, ಕಾವೇರಿ, ಇವರುಗಳ ಸುಂದರ ಶಿಲ್ಪಗಳು .... ತುಂಬ ಚೆನ್ನಾಗಿ ಮಾಡಿದ್ದಾರೆ .... ಅದನ್ನು ನೋಡಿ ಹಿಂದೆ ತಿರುಗಿದರೆ... ಕಾಣುತ್ತೆ ಒಂದು ಅದ್ಬುತ ಶಿಲ್ಪ ಬೃಹದಾಕಾರದ 4 ಅಶ್ವಗಳು ...ಅರ್ಜುನನ ರಥವನ್ನು ಎಳೆಯುತ್ತಿರುವ ದೃಶ್ಯ ....ಅದರಲ್ಲಿ ಶ್ರೀ ಕೃಷ್ಣ ಪರಮಾತ್ಮ ಸಾರಥಿ.....ಅದರ ಜೊತೆಗೆ ಅಂದರೆ ಕೆಳಗಡೆ ಇರುವ ಗಾಯತ್ರಿ ದೇವಿಯ ದೇವಸ್ತಾನ.....ಅಲ್ಲಿಂದ ಮೇಲೆ ಬಂದರೆ ....ಶ್ರೀ ಕೃಷ್ಣ ಪರಮಾತ್ಮ ಅರ್ಜುನನಿಗೆ ತೋರಿಸಿದ ವಿಶ್ವರೂಪ ಧರ್ಶನ.... ಅಹಾ ಇದನ್ನು ನೋಡಲು ಎರಡು ಕಣ್ಣು ಸಾಲದು....ತುಂಬ ಚೆನ್ನಾಗಿ ಮೂಡಿ ಬಂದಿದೆ ಈ ಶಿಲ್ಪದ ಕೆತ್ತನೆ.. ಶ್ರೀ ಕೃಷ್ಣ ಪರಮಾತ್ಮ ತೋರಿಸಿದ ವಿಶ್ವ ರೂಪ ಧರ್ಶನದ ಪ್ರತಿ ಮುಖಗಳು ಸ್ಪಷ್ಟ ವಾಗಿ ಎಷ್ಟು ಚೆನ್ನಾಗಿ ಮೂಡಿ ಬಂದಿದೆ ಗೊತ್ತ.. ಅದನ್ನು ನೋಡೆ ಆನಂದಿಸ ಬೇಕು.... ಅಲ್ಲೇ ಸ್ವಲ್ಪ ಹೊತ್ತು ಅದನ್ನ ನೋಡುತ್ತಾ ಕುಳಿತಿದ್ದೆವು,, ಟೈಮ್ ಹೋಗಿದ್ದೆ ಗೊತ್ತಾಗಲಿಲ್ಲ.. ಸೈಲೆಂಟ್ ಆಗಿ ಇತ್ತು... ಹಾಗೆ ಕೆಳಗೆ ಗಾಯತ್ರಿ ದೇವಿಯ ಹತ್ರ ಸ್ವಲ್ಪ ಹೊತ್ತು ಧ್ಯಾನ ಮಾಡ್ತಾ ಕುಳಿತಿದ್ದೆವು,, ಮನಸ್ಸಿಗೆ ಏನೋ ಒಂದು ಥರ ನೆಮ್ಮದಿ.... ಆಹಾ...ಎಷ್ಟು ಪ್ರಶಾಂತ ವಾಗಿ ಇತ್ತು ಗೊತ್ತ ....
ಅದಾದಮೇಲೆ ಅಲ್ಲೇ ಕೆಳಗಡೆ ಹುಲ್ಲು ಹಾಸಿನ ಮೇಲೆ ಬಂದು ಮಾತಾಡ್ತಾ ಸ್ವಲ್ಪ ಹೊತ್ತು ಇದ್ವಿ... ಮಳೆ ಬರುವ ಹಾಗೆ ಇತ್ತು,, ಆದರೆ ಮಳೆ ಬರಲಿಲ್ಲ.. ಬಿಸಿಲು ಅಸ್ಟು ಇರಲಿಲ್ಲ.. ತಣ್ಣಗೆ ತಂಪಾದ ಗಾಳಿ ಬೀಸುತ್ತ ಇತ್ತು... ಅಲ್ಲೇ ಹತ್ತಿರದಿಂದ ಗಾಯತ್ರಿ ದೇವಿಯ ಸ್ತೋತ್ರ ಕೇಳಿ ಬರುತ್ತಾ ಇತ್ತು.... ಹಾಗೆ ಸುಬ್ಬುಲಕ್ಷ್ಮಿ ಅವರ ಹಾಡು....ಅಂತು ಒಂದು ಒಳ್ಳೆ ಸಂಜೆ ನೆಮ್ಮದಿ ಇಂದ ಕಳೆದ ಅನುಭವ ಆಯಿತು..... ಆಮೇಲೆ ಕೇಳಿದೆ ನನ್ನ ಫ್ರೆಂಡ್ ಅನ್ನು,,, ಇಷ್ಟ ಆಯ್ತಾ ಈ ಪ್ಲೇಸ್ ಅಂತ .... ನನ್ ಫ್ರೆಂಡ್ ಅಂತು ಫುಲ್ ಖುಷಿ .... ನಿಜವಾಗ್ಲೂ ತುಂಬ ನೆಮ್ಮದಿ ಅನ್ನಿಸ್ತಾ ಇದೆ ಕಣೋ,, ಎಸ್ಟೋ ದಿನ ಆಗಿತ್ತು ಈ ಥರ ಒಳ್ಳೆ ಸಂಜೆ ಕಳೆದು ಅಂತ ಹೇಳಿದ್ಲು. ಅವಳು ಇದನ್ನ ನೋಡಿರಲಿಲ್ಲ.. ಗಾಯತ್ರಿ ದೇವಿ, ವಿಶ್ವರೂಪ ಧರ್ಶನದ ಪ್ರತಿಮೆ... ಸಪ್ತ ಸಾಗರ ಕನ್ಯೆಯರನ್ನು ನೋಡಿ ತುಂಬ ಖುಷಿ ಪಟ್ಟಿದ್ರು.... ಅಲ್ಲೇ ಸ್ವಲ್ಪ ಹೊತ್ತು ಕೂತು 7:30 ಗೆ ವಾಪಾಸ್ ಬೆಂಗಳೂರು ಎಂಬ ಟ್ರಾಫಿಕ್ ಸಿಟಿ ಕಡೆ ಹೊರಟೆವು.....
ನೀವು ಒಮ್ಮೆ ನೋಡಿ ಬನ್ನಿ ಟೈಮ್ ಸಿಕ್ಕಾಗ... ತುಂಬ ಚೆನ್ನಾಗಿ ಇದೆ...

ಪಾಂಡುರಂಗ ಸ್ವಾಮಿ ವಿಗ್ರಹ ......

ಸಪ್ತ ನದಿಗಳ ಸಂಗಮ... ಗಂಗಾ, ಯಮುನಾ ,ಗೋದಾವರಿ, ಸರಸ್ವತಿ, ನರ್ಮದಾ, ಸಿಂದು, ಕಾವೇರಿ, ಇವರುಗಳ ಸುಂದರ ಶಿಲ್ಪಗಳು

ಶ್ರೀ ಕೃಷ್ಣ ಪರಮಾತ್ಮ ಭಗವದ್ಗೀತ ಹೇಳುತ್ತಿರುವ ದೃಶ್ಯ .....

ಸಪ್ತ ಋಷಿಗಳ ಸಂಗಮ.....

ಶ್ರೀ ಗಾಯತ್ರಿ ದೇವಿಯ ದಿವ್ಯ ಸನ್ನಿದಿ......

ಶ್ರೀ ಕೃಷ್ಣ ಪರಮಾತ್ಮನ ವೀರಾಟ್ ವಿಶ್ವ ರೂಪ ಧರ್ಶನ..........

ಸಪ್ತ ಸಾಗರ ಕನ್ಯೆಯರ ರಾತ್ರಿಯ ನೋಟ.......

(ಬೆಂಗಳೂರು ತುಮಕೂರು ಹೆದ್ದಾರಿಯಲ್ಲಿ... ನೆಲಮಂಗಲಕ್ಕೆ ಎಡಕ್ಕೆ ತಿರುಗುವ ಬದಲು ಸ್ವಲ್ಪ ಮುಂದೆ ಹೋಗಿ,, ಅಲ್ಲೇ ಬಲಗಡೆ ವಿಶ್ವ ಶಾಂತಿ ಆಶ್ರಮ ಅಂಥ ಬೋರ್ಡ್ ಕಾಣುತ್ತೆ.. ಕಾರ್ ಮತ್ತೆ 2 ವ್ಹೀಲರ್ ಪಾರ್ಕಿಂಗ್ ಗೆ ಜಾಗ ಇದೆ ... ಒಳಗಡೆ ಹೋಗಲಿಕ್ಕೆ ಎಂಟ್ರಿ ಫೀಸು ಬರಿ 2 ರೂಪಾಯಿಗಳು ಮಾತ್ರ... ನೀವು ಏನಾದರೂ ಕ್ಯಾಮೆರಾ ತೆಗೆದುಕೊಂಡು ಹೋಗಿದ್ದಾರೆ 20 ರೂಪಾಯಿಗಳು ಕೊಡಬೇಕು ಕ್ಯಾಮೆರಾ fee ಅಂಥ... ಯಾವುದಾದರು ಒಂದು ಸಂಜೆ ನೆಮ್ಮದಿಯಿಂದ ಕಳೆಯಲು ಆರಾಮವಾಗಿ ಹೋಗಿ ಬರಬಹುದು.)

ಗುರು