ಸಂಜೆಯ ಸೊಭಗು ....ಸುತ್ತಲೂ ಆವರಿಸಿರುವ ಬೆಟ್ಟಗಳ ಒಂದು ಕಡೆ ಇಂದ ಸೂರಪ್ಪ ನಿದಾನಕ್ಕೆ ಜಾರುವುದಕ್ಕೆ ಅಣಿಯಾಗುತ್ತ ಇದ್ದ . .ಅದಾಗಲೇ ಬೆಟ್ಟಗಳ ಮೇಲೆ ಚಂದಿರ ಮೂಡಿ ಬಂದಾಗಿತ್ತು . .. ಸುತ್ತಲೂ ಬೆಟ್ಟ ಇರುವುದರಿಂದ ಕತ್ತಲು ಬೇಗ ಆಗುತ್ತದೆ ಎಂದು ಉತ್ತರಾಖಂಡ್ ಒಂದು ಚಿಕ್ಕ ಊರು ಮಂಡಲ್ ನ ಕಡಿದಾದ ಕಣಿವೆಯ ದಾರಿಯಲ್ಲಿ ನಮ್ಮ ಹೊಸ ಹೊಸ ಹಕ್ಕಿಗಳ ಹುಡುಕಾಟ ಸಾಗಿತ್ತು . . ಚಳಿಗಾಲದಲ್ಲಿ ಇಲ್ಲಿ ನಮಗೆ ಕಾಣಸಿಗುವುದೆಲ್ಲ ಚಿಕ್ಕ ಚಿಕ್ಕ ತರ ತರ ಬಣ್ಣಗಳಿಂದ ಕೂಡಿದ ಹಕ್ಕಿಗಳು . . ಅದನ್ನು ನೋಡಲು ನಮ್ಮ ಕಣ್ಣು ಚುರುಕು ಆಗಿರಬೇಕು ಅಷ್ಟೇ . ಗೈಡ್ ಇದ್ದಾರೆ ಸಮಸ್ಯೆ ಇಲ್ಲ . . ನಮ್ಮ ಗೈಡ್ ರಾಹುಲ್ ಸಿಂಗ್ ಚೆನ್ನಾಗಿ ತೋರಿಸುತ್ತ ನಮ್ಮ ಕುತೂಹಲವನ್ನು ಹೆಚ್ಚಿಸಿದ್ದ . .
ಹಾಗೆ ಕಡಿದಾದ ಕಣಿವೆಯಲ್ಲಿ ಸಾಗುತ್ತ ಇರಬೇಕಾದರೆ ಒಂದು ಸಣ್ಣ ಹಕ್ಕಿ ಒಂದು ಪೊದೆ ಇಂದ ಇನೂಂದು ಪೊದೆ ಹತ್ತಿರ ಹಾರಿತು ... ಒಂದು ಹಳದಿ ಕಲರ್ ಬಾಲ್ ಹೋದ ಹಾಗೆ ಕಾಣಿಸಿತು . ಆಮೇಲೆ ಸ್ವಲ್ಪ ಹೊತ್ತು ಅಲ್ಲೇ ಕಾದ ಮೇಲೆ ನಿದಾನಕ್ಕೆ ಹೊರಗಡೆ ಬಂದು ಅಕ್ಕ ಪಕ್ಕದ ಗಿಡಗಳ ಮಧ್ಯೆ ಇದ್ದ ಸಣ್ಣ ಸಣ್ಣ ಹುಳ ಜೇಡ ಇವುಗಳನ್ನು ಹುಡುಕಿ ಹುಡುಕಿ ತಿನ್ನುತ್ತಾ ...ಮುಸ್ಸಂಜೆಯ ಹೊಂಬಿಸಿಲಿಗೆ ತನ್ನ ಹಳದಿ ಮೈಬಣ್ಣ ತೋರಿಸುತ್ತ ಆಟ ಆಡುತ್ತಿತ್ತು . . ಅಬ್ಬಾ ಎಂತಹ ಸೌಂದರ್ಯ ಮೈ ಎಲ್ಲ ಗಾಢ ಹಳದಿ ಬಣ್ಣ ... ಉದ್ದನೆಯ ಕೊಕ್ಕು ತಲೆ ಭಾಗ ನೇರಳೆ ಮಿಶ್ರೀತ ಕಪ್ಪು ಕಂದು ಅದು ಸೂರ್ಯನ ಸಂಜೆ ಬಿಸಿಲಿಗೆ ಮಿರಮಿರ ಹೊಳೆಯುತ್ತ ಇತ್ತು . . ಒಂದು ಹತ್ತು ನಿಮಿಷದ ಸತತ ಪ್ರಯತ್ನದ ಫಲವಾಗಿ ಒಂದೆರಡು ಒಳ್ಳೆಯ ಫೋಟೋ ತೆಗೆಯಲು ಸಿಕ್ಕಿತ್ತು . . ಸಿಕ್ಕಾ ಪಟ್ಟೆ ಚುರುಕು ಹಕ್ಕಿ ಒಂದು ಕ್ಷಣ ಕೂಡ ಒಂದು ಕಡೆ ಕೂರುತ್ತಾ ಇರಲಿಲ್ಲ . . ನನಗೆ ನಮ್ಮ ಕರ್ನಾಟಕದಲ್ಲಿ ನೋಡಿದ್ದ sunbird (ನೇರಳೆ ಸೂರಕ್ಕಿ , ಸಣ್ಣ ಸೂರಕ್ಕಿ ಹಾಗೆ ಖಗರತ್ನ ) ಇವುಗಳ ನೋಟ ವಿಭಿನ್ನವಾಗಿ ಇತ್ತು . . ಒಟ್ನಲ್ಲಿ ಇನ್ನೊಂದು ಅಪರೂಪದ ಸೂರಕ್ಕಿ ನೋಡಲು ಸಿಕ್ಕಿದ್ದು ಖುಷಿ ಆಯಿತು . .
No comments:
Post a Comment