ಸುಂದರ ಶ್ರಾವಣ ಭಾನುವಾರ. 20-Aug-2023
ಮೋಡ ಮುಸುಕಿದ ವಾತಾವರಣದಲ್ಲಿ, ಆಗೊಮ್ಮೆ ಈಗೊಮ್ಮೆ ನಿಧಾನಕ್ಕೆ ಮೋಡದ ಮರೆಯಿಂದ ಈಚೆ ಬರುತ್ತಿದ್ದ ಸೂರ್ಯ. ಇದರ ಜೊತೆಯಲ್ಲಿ ನಮ್ಮ ಪುಟ್ಟ ಮಕ್ಕಳ ಸೈನ್ಯ ಪಕ್ಷಿ ವೀಕ್ಷಣೆಗೆ ಎಂದು ಬೆಂಗಳೂರಿನ ಉಳ್ಳಾಲ ಕೆರೆ ಹತ್ತಿರ ಬೆಳಿಗ್ಗೆ 7:00 ಗಂಟೆಗೆ ಬಂದು ಸೇರಿತ್ತು.
ಎಲ್ಲ ಮಕ್ಕಳು ಮೊದಲೇ ಹೇಳಿದ ಹಾಗೆ ಬೈನಾಕುಲಾರ್ಸ್, ಪುಸ್ತಕ ಪೆನ್ನು ಹಾಗೆ ಪಕ್ಷಿಗಳ ಬಗ್ಗೆ ಮಾಹಿತಿ ಇರುವ ಒಂದು ಸಣ್ಣ ಕೈಪಿಡಿಯನ್ನು ತಂದಿದ್ದರು.
ಅವರ ತಂದೆ ತಾಯಿಯ ಜೊತೆಗೂಡಿ ಬೆಳಗ್ಗೆ ಅತಿ ಉತ್ಸಾಹದಿಂದ ಎಲ್ಲರೂ ಹೊಸ ಹೊಸ ಪಕ್ಷಿಗಳನ್ನು ನೋಡಲು ಹಾಗೂ ತಿಳಿದುಕೊಳ್ಳಲು ಬಂದಿದ್ದರು.
ನೀರು ಕಮ್ಮಿ ಇರುವ ಕಾರಣ ಕೆರೆ ಅಂಗಳದಲ್ಲಿ ನೂರಾರು ಬಗೆಯ ನೀರಿನ ಹಕ್ಕಿಗಳು (water birds)ಜಾಸ್ತಿ ಇದ್ದವು.
ನೀರು ಕಾಗೆ, ಬಾತು ಕೋಳಿಗಳು, ಬ್ಲಾಕ್ಹೆಡ್ಐಬಿಸ್, ಮಿಂಚುಳ್ಳಿ ಎಗ್ ರೇಟ್, ಹದ್ದು ಮತ್ತು ಗರುಡ ಪಕ್ಷಿಗಳು ಅತಿ ಸುಲಭವಾಗಿ ಸಿಕ್ಕುವ ಮೀನನ್ನು ಹಿಡಿದುಕೊಳ್ಳಲು ಬೆಳಗ್ಗೆ ಬೆಳಗ್ಗೆನೇ ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಿಸುತ್ತಿದ್ದವು.
ಒಂದು ಚಿಕ್ಕ ವಿಚಾರ ವಿನಿಮಯದ ನಂತರ ನಮ್ಮ ಬರ್ಡ್ ವಾಕಿಂಗ್ ಶುರುವಾಯಿತು.
ಚಿಕ್ಕ ಮಕ್ಕಳ ಕುತೂಹಲ ಭರಿತ ಪ್ರಶ್ನೆಗಳು, ಹಕ್ಕಿಗಳು ಮೀನನ್ನು ತಿನ್ನುತ್ತಿರುವ ದೃಶ್ಯ, ಪ್ರೋಬಿಂಗ್ ಮಾಡುತ್ತಿರುವ ರೀತಿ, ಅಹಾರ ಹುಡುಕುವ ಹಾರಾಡುವ ಪರಿ. ಇದೆಲ್ಲವನ್ನು ಹತ್ತಿರದಿಂದ ನೋಡುತ್ತಾ ಖುಷಿ ಪಡುತ್ತಾ ಪಕ್ಷಿ ವೀಕ್ಷಣೆಯನ್ನು ಮಾಡುತ್ತಿದ್ದರು.
ಇದರ ಜೊತೆಗೆ ಹಕ್ಕಿಗಳ ಪುಕ್ಕ, ಅವುಗಳ ಚಲನ ವಲನಗಳು, ಹಕ್ಕಿಗಳ ಗೂಡು ಇವುಗಳನ್ನು ಕುತೂಹಲದಿಂದ ವೀಕ್ಷಿಸುತ್ತಾ ಇದರ ಬಗ್ಗೆ ನೂರಾರು ಪುಟ್ಟ ಪುಟ್ಟ ಪ್ರಶ್ನೆಗಳನ್ನು ಕೇಳುತ್ತಾ. ತಮ್ಮ ಜೊತೆಯ ಮಕ್ಕಳ ಸಂಗಡ ಆಟ ಆಡುತ್ತಾ. ಖುಷಿಯಿಂದ ಪರಿಸರದ ಬಗ್ಗೆ ನೇಚರ್ ಬಗ್ಗೆ ಚಿಟ್ಟೆಗಳ ಬಗ್ಗೆ ಹಾಗೆ ಕೆಲವೊಂದು ಬಗೆಯ ಜೇಡಗಳನ್ನು ನೋಡಿ ಸಂತಸ ಪಡುತ್ತಿದ್ದರು.
ಕೆರೆಯ ಸುತ್ತ ಒಂದು ಎರಡು ಕಿಲೋ ಮೀಟರ್ ಗಳಷ್ಟು ದೂರ ಸುತ್ತಾಡಿ, ತಾವು ತಂದಿದ್ದ ಪುಟ್ಟ ಪುಸ್ತಕದಲ್ಲಿ ಹಕ್ಕಿಗಳ ಚಲನವಲನಗಳನ್ನು ಅವುಗಳ ಚಿತ್ರಗಳನ್ನು ಬಿಡಿಸಿ ಮಾಹಿತಿಯನ್ನು ದಾಖಲಿಸಿಕೊಂಡರು.
ಬೆಳಿಗ್ಗೆ 7:00 ಯಿಂದ 9:30ವರೆಗೆ ಟೈಮ್ ಹೇಗೆ ಹೋಯಿತು ಅನ್ನುವುದೇ ಗೊತ್ತಾಗಲಿಲ್ಲ. ಇಂದಿನ ಮಕ್ಕಳು ಮೊಬೈಲ್ ಕಂಪ್ಯೂಟರ್ ಇದರಲ್ಲೇ ಮುಳುಗಿ ಹೋಗಿರುತ್ತಾರೆ, ಇಂತಹ ನೇಚರ್ ವಾಕ್ , ಬರ್ಡ್ ವಾಕ್, ಬರ್ಡ್ ವಾಚಿಂಗ್...... ಮಕ್ಕಳಿಗೆ ಅತಿ ಅವಶ್ಯಕವಾಗಿದೆ ಪ್ರತ್ಯಕ್ಷವಾಗಿ ನಮ್ಮ ಸುತ್ತಮುತ್ತಲಿನ ಪರಿಸರದ ಬಗ್ಗೆ ಹಾಗೂ ಇವುಗಳನ್ನು ಸಂರಕ್ಷಿಸುವ ಬಗ್ಗೆ ತಿಳಿಸಿ ಹೇಳಿ ಕೊಡಬೇಕಾಗಿದೆ
ಪುಟ್ಟ ಪುಸ್ತಕ ದಲ್ಲಿ ತಾವು ನೋಡಿರುವ ಹಕ್ಕಿ ಗಳ ವಿವರ ದಾಖಲಿಸಿ ಕೊಂಡಿರುವ ಮಕ್ಕಳು
No comments:
Post a Comment